6-8 epler
5 ss sukker
1 ss kanel
Set ovnen på 180 grader, skrell epla og stikk ut kjernehusa. Ha eple, sukker og kanel i ein plastpose, og vend posen til alt er godt blanda. Legg epla i ei eldfast form og la dei stå i oven i ein halv time. Medan epla er i ovnen lagar du kakerøra.
4 egg
1,5 dl. brunt sukker
100 gram kveitemjøl
25 gram lettkokte havregryn
50 gram malte nøtter
1 ts. bakepulver
perlesukker og hakka nøtter
Pisk egg og sukker til eggedosis. Ha i sikta mjøl, havregryn, bakepulver og malte nøtter. Vend dette forsiktig inn i eggedosisen. Ta forma med dei steike epla ut av ovnen, og fordel kakerøra over epla.
Strø over perlesukker og hakka nøtter og set forma tilbake i ovnen. Senk temperaturen til 175 grader og steik kaka vidare i 40 minutt. Prøv med ein pinne om den er gjennomsteikt.
Serverast lunka med vaniljeis eller vaniljesaus.