Oppe i korridorane på det store studenthuset Meieriet i Sogndal finn ein bandrommet. Her var fødestaden for bandet med Robert Mowatt i spissen.
Dei siste åra har dei hausta gode kritikkar, flytta til Bergen og har gjeve ut debutplata. Torsdag spelte dei for fullt hus på Laben-scena på Meieriet.
- LES OGSÅ:
- LES OGSÅ:
Skal lage ny plate
– Generelt så er det ei bra tid for Tom Stockman. Vi øvar godt og vi har hatt fleire spelejobbar som til dømes på Apollon og litt rundt omkring. Vi prøver å bli kjende med musikarverda i Bergen, fortel Mowatt rett før han og resten av gjengen entrar scena.
PÅ SCENA: Tom Stockman entra scena på Laben på Meieriet som første band ut under årets studentveke i Sogndal.
Bassist og bandet sin administrator, Audun Stegali Borge, meiner at utan «oppveksten» på Meieriet så hadde dei aldri kome seg så langt som dei har gjort.
– No jobbar vi med å skaffe oss spelejobbar og vi har planar om album nummer to. Målet er å gå i studio til hausten att, seier Borge.
- LES OGSÅ:
Litterær inspirasjon
Den nye plata vil som den første bære preg av Robert Mowatt sine litterære inspirasjonskjelder. Tidlegare har bandet hatt sterk inspirasjon frå Henrik Ibsen sine figurar.
– Tematikken er jo framleis litteratur, og no er eg inspirert av mellom anna Ingvar Ambjørnsens «Hvite niggere» og Jethro Tull sin fantastiske låt Aqualung, seier Mowatt.
NØGD: Vekasjef Marte Bjørnstad Andresen og resten av styret er klar for 10 dagar med studentveke.
Foto: Geir Bjarte Hjetland / NRK– Veldig stolt
Veka-sjef Marte Bjørnstad Andresen tykkjer det er veldig stas at Tom Stockman sa ja til å vere første band ut under årets utgåve av Studentveka.
– Eg er veldig stolt av å kunne presentere så variert utval av artistar. For oss betyr det mykje at vi og kan vise fram band som er dyrka fram i studentmiljøet. Programmet vårt viser at det urørte og det velkjende kan fungere saman, meiner ho.