Hopp til innhold

Eksplosjon i Ewos-bygget i Florø

Klokka 19.58 fekk naudetatane melding om at ein automatisk brannvarslar hadde slått ut ved Ewos-bygget i Florø. Alle naudetatar rykte ut til staden.

"Støv-eksplosjon" ved Ewos-bygget i Florø

MYKJE STØV: Røykdykkarar som har vore inne i lokala der det eksploderte melder om mykje støv og knuste vindauge. No vert heile etasjen lufta ut. Foto: Eivind Nordvik Hauge

Politiet sa tidlegare i kveld til NRK at det var snakk om ein "støveksplosjon" som hadde slått ut mange vindauge i bygget.

Det er ikkje meldt om personar på staden. Politiet jobbar no med å lufte ut støv og gjere greie for kva som kan ha skjedd.

Brannvesenet har kontroll

Like etter klokka 21.30 melder politiet om at brannvesenet har kontroll på staden.

Laster Twitter-innhold

Mange på staden

Litt før klokka ni i kveld var det mange frå ulike naudetatar på staden.

– I tillegg til dei andre naudetatane er alle i Florø brannvesen, cirka 20 brannmenn, på staden no, sa 110-operatør Frode Eide til NRK cirka klokka kvart på ni i kveld.

Ewos-bygget i Florø

Automatisk alarm: Eksplosjonen som slo ut brannalarmen skjedde i 7. etasje.

Foto: Eivind Nordvik Hauge

Ingen flammar

– Korleis veit de at det har vore ein støveksplosjon?

– Røykdykkarar er inne i lokala som ligg i 7. etasje. Dei seier det er mykje røyk, men ingen flammar eller varme der, seier Eide.

Han fortel at det no vert lufta i lokala for å få ut støvet.

Eksplosjon ved Ewos-bygget i Florø