Politi og ambulanse rykte ut etter at ein trafikant melde frå om bilen som stod i grøfta.
– Det var ein person i bilen, får NRK bekrefta frå politiet sin operasjonssentral.
Ulukka skjedde på Riksveg 15 ved Hjellekrysset på Eid. Den mannlege føraren var åleine i bilen, og ingen andre bilar var involverte. Mannen var utanfor bilen då politiet kom til staden.
– Personen er lettare skadd, seier politiet til NRK.
Like etter klokka 11 skriv politiet på loggen at mannen vart køyrt til legevakt for kontroll.