Sist fredag vart Øyfred Standnes frå Bygstad dømd til fengsel i 13 år for drap og valdtektsforsøk på den 22 år gamle sjukepleiestudenten Anne Slåtten i Førde 6. juni i fjor.
Under rettssaka hevda sunnfjordingen heile tida at han ikkje hadde noko med brotsverket å gjere.
- Standnes held fast på at han er uskuldig, og det er grunnen til anken, seier forsvarar Ivar Blikra.
Hugsa ikkje
Standnes hevda under rettssaka at han ikkje hugsa noko frå det aktuelle tidsrommet, og han vart dømd hovudsakeleg på grunnlag av DNA-spor som slo fast at han hadde vore i kontakt med offeret.
- Og den dommen kan han ikkje godta, seier Blikra.
Når det blir anka i straffesaker med dom over seks år, blir saka automatisert teken opp i lagmannsretten.
Standnes er innforstått med at ei ny rettssak blir ei ny hard belastning, men det er han klar på at han må gjennom, seier forsvararen.
Forsvarar Ivar Blikra i rettssalen. Foto Jostein Nyfløtt NRK.