Det er berre å setje sjøbein - for festival vert det, uansett!

– Det har aldri vore aktuelt for å ikkje ha Utkant, seier festivalsjef Viggo Randal.

– Vi var ganske tidleg ute med ein avtale med Skjerjehamn om å arrangere festivalen neste år også.

Festivalleiaren seier at han har fått nokre spørsmål frå folk som lurer på om det kjem til å bli arrangert festival neste år.

Dei siste vekene har det vore skrive ein del i media om at drifta ved den gamle handelsstaden har vore usikker, og tidleg i november melde NRK at dei tilsette er sagt opp.

No har Utkant-festivalen fått ein avtale som sikrar at festivalen kan arrangerast ved Skjerjehamn uansett kva som skjer med drifta mot våren og sommaren.

• LES OGSÅ: Hentar energi til ny innsats frå glade publikummarar
  
• LES OGSÅ: Herre min hatt for ein festival!
  

Bergensartist klar for 2015

Utkantfestivalen har vore arrangert på Skjerjehamn i Gulen sidan 2007. I år besøkte 14.000 publikummarar festivalen ute i havgapet, og dei sette dermed publikumsrekord.

Artistar som Karpe Diem, Kari Bremnes, Veronica Maggio og Bjørn Eidsvåg har stått på scena tidlegare, og første namn for neste års plakat er allereie klart: Bergensartisten Monica Heldal.

– Det kjem til å bli heilt konge, meiner festivalsjefen, som også har fleire namn på blokka som litt etter litt vil bli presentert for dei som lengtar mot neste års festival.

– No kjem det fleire artistar mot jul, avsluttar Randal løyndomsfullt.

• LES OGSÅ: Publikumsrekord og sydenstemning fire dagar til endes