Denne veka ga kommunestyret i Eid Harpefossen skisenter løyve til å bli med på den nasjonale prøveordninga der dei skal køyre folk til fjells med trakkemaskin
- LES OGSÅ: Vil frakte turistar i trakkemaskin
Catskiinga har vore omstridt, mellom anna meinte turlaget at folk må klare å kome seg til fjells utan skyss.
Ordførar Alfred Bjørlo seier dei ser catskiing som eit spanande produkt som er relativt skånsomt mot miljøet.
– Vi ser på catskiing som eit fantastisk spennande nytt reiselivsprodukt som gir store opplevingar og utnytting av skianlegget vi har på Harpefossen. Samstundes som det ikkje gir vesentlege inngrep i natur og miljø, slik ein ville hatt ved utbygging av nye heisanlegg, seier Bjørlo.