Til dømes la han ut melding om at det mest irriterande han veit om er sokkar som glir ned på ankelen.
Les og:
Knut M Olsen, fylkesleiar i Senterpartiet
Foto: NRKFylkesleiar i Senterpartiet Knut M. Olsen meiner Bremer heller burde følgje med på møtet. - Eg syns det er viktig at når vi sit i Fylkestinget så skal vi ha fokus på det. På det som skjer i Fylkestinget.
Provoserte over fylkesvaraordføraren
Fleire Fylkespolitikarar er kraftig provoserte over fylkesvaraordføraren i Sogn og Fjordane sin oppførsel i Fylkestinget denne veka.
Store delar av møtetida hadde han den bærbare datamaskina påslått framfor seg. Og det var enkelt å legge merke til at det var den sosiale nettstaden Facebook som opptok Bremer.
Bremer la mellom anna ut at det mest irriterande han veit om er "sokkeseg" altså at sokkane glir ned på ankelen. Knut M. Olsen er lite imponert.
- Eg tenker at då har ein tankane relativt langt vekk frå det som skjer i fylkestingsalen.
- Hadde Facebook oppe store deler av tida
Ein av politikarane som satt på same benk som Bremer var Mari Andrea Ness frå Senterpartiet, ho la lett merke til at internettsida Facebook var open store deler av tida Bremer var på det politiske møtet.
- Eg meiner det er manglande respekt for dei som er på talarstolen.
Har fjerna kommentarar
Fylkesvaraordførar Tor Bremer
Foto: Brit Jorunn Svanes / NRKTor Bremer, som også er stortingskandidat for Arbeiderpartiet, har no fjerna kommentaren om sokkane sine på Facebook.
Han meiner at han også la ut meldingar om politiske saker og vil ikkje vere med på at han ikkje følgde med i debattane.
- Det er ein urimeleg, usakeleg og upassande kritikk som kjem frå Senterpartiet. Eg skal vedgå at eg i løpet av tre dagar tingsete må prøve å innspirere meg sjølv litt, og eg brukte 15 sekunder til å legge ut ein kommentar om det, seier Bremer. - Kanskje mest for å fange interessa til folk som vanlegvis ikkje er så opptekne av kva ein driv med.