Feilen blei meldt inn til Telenor i morgontimane i dag.
– Det var eigentleg snakk to feil samstundes. Det var eit fiberbrot på Voss i Hordaland, samstundes som det og var eit brot til det vi kallar ein internettruter, det som spreier internettrafikken i Sogndal, seier informasjonssjef i Telenor, Per Aril Meling.
Det var brotet mot internettruteren i Sogndal som var hovudårsaka til dei store breibandutfalla i Sogn og Fjordane.
Klokka 10:40 opplyser Meling at brotet mot internettruteren i Sogndal er ordna, og at dei dermed kan omdirigerte trafikken slik abonnentane i Sogn får tilbake breibandet.
Også dei to mobilbasestasjonane som har vore ute i Luster og Aurland er no i orden igjen. Når det gjeld fiberbrotet på Voss driv entreprenøren no feilsøking.