Guten, som var åleine i bilen, melde sjølv frå om ulukka like før klokka 03.
– Han forklara at han køyrde av vegen på regnvåt vegbane og trefte ein stein. Bilen hamna på taket i vegbana, opplyser operasjonsleiar Espen Gulliksen ved Vest Politidistrikt sin operasjonssentral i Florø.
Uhellet skjedde på fylkesveg 618, like etter avkøyrsla ved Allmenningsfjellet. Mannen kom seg sjølv ut av bilen. Han vart sendt til sjukehus.
– Han var litt omtåka og svimmel og klaga på smerte i brystet. Det kan ha vore bilbelte for det vi veit. Det er også mogleg at han hadde brote ankelen, seier Gulliksen.
Saka blir følgd opp av politiet.
– Så lenge det er mistanke om personskade, så skal politiet følgje opp med avhøyr og åstadsundersøking. Og det er gjort, seier operasjonsleiaren.