Båt på skjer ved Florø
Om lag klokka 04.30 gjekk ein open fritidsbåt på grunn nordvest for Klubbeskjeret rett utanfor Florø. Politiet fekk melding om uhellet klokka 04.38, og brannvesenet i Florø sende ein mindre båt med lege ut til havaristen. Dei fekk kontakt med mannen i 40-åra som var åleine i båten. Han var uskadd, og legen kunne returnere. Politiet opplyser at mannen i 40-åra er mistenkt for båtpromille.