Lobbyorganisasjonen som kjempar for betre vegar i Indre Nordfjord viser til auka trafikk på Kvivsvegen og Stigedalen.
– Det at vi har fått slike utslag før E39 er omgjort, er vi positivt overraska over. Det talar for at Kvisvegen og ein E39 i indre vil gi langt høgare regional utvikling enn vi har sett føre oss tidlegare, seier Sunde.
- LES OGSÅ:
- LES OGSÅ:
Større vekst enn venta
Antall køyretøy som passerer fylkesgrensa via Stigedalen og Kvivsvegen har auka med nesten 70 % prosent i mai i år, samanlikna med i fjor.
Dette talet har ein kome fram til ved å samanlikne statistikken frå ulike målepunkt det siste året.
- I mai 2012 var det 1201 kjøretøy som passerte i snitt kvar måned ved tellepunktet i Stigedalen.
- I mai 2013 var det 824 kjøretøy som passerte i snitt kvar måned ved tellepunktet i stigedalen.
- I mai 2013 passerte 1188 på tellepunktet i Kvivstunnelen
Altså tilsaman passerte det 824 (Stigedalen) +1188 (Kvivsvegen) som då blir 2012 bilar i mai 2013 (samla). Til samanlikning passerte det 1201 bilar i Stigedalen i mai 2012. Den samla auken er dermed nesten 70 prosent eller på 811 bilar.
Samstundes seier Sunde at tala viser at gjennomgangstrafikken frå nord til sør gjennom Nordfjord no er i ferd med å flytte seg til indre Nordfjord.
– Vi hadde ikkje venta at så mykje trafikk allereie no ville gå om indre trasé. Brua over Nordfjorden bør gå i indre for det skaper ein ny bu- og arbeidsmarknadsregion mellom Sandane, Stryn og Skei. Det er også det raskaste nord-sør-sambandet mellom Volda og Skei.
- LES OGSÅ:
- LES OGSÅ:
Tykkjer det er positivt
Ordførar i Eid kommune Alfred Bjørlo seier dette er ei positiv utvikling som må opne for å bygge fleire vegar.
– Nettopp dette gir styrka argumentasjon for at det er rett å byggje denne type vegar som opnar regionale bu- og arbeidsmarknader. Det vil også ei realisering av E39 gjennom midtre Nordfjord gjere. I staden for at betalte lobbyistar motarbeider andre vegprosjekt, så burde vi backe kvarandre for å få vekst i heile regionen, seier Bjørlo.