Lagkameratane var med på markeringa, og mange har lagt merke til denne stille protesten mot avgjerda til Hydro.
Foto Alf Inge Holsæter
I Onsdagsportrettet 24. september møtte vi Bergset, som arbeider som elektrikar i Aker Kværner i Høyanger. Arbeidsgjevaren hans lever på oppdrag frå Hydro i Høyanger, og dermed er han like avhengig av Hydro som dei Hydro-tilsette.
Trass i den negative avgjerda, har Svein Inge Bergset tru på ei framtid i Høyanger. Han har og tru på at Høyang skal overleve i 3. divisjon. Det blir avgjort i årets siste seriekamp heime i Høyanger komande laurdag i det som er Bergset sin kamp nummer 300 for A-laget til Høyang.