Det har i år vore ein 50 prosent auke i søknadar om erstatning for sau og lam tapt på beite. Viltforvaltar Hermund Mjelstad hjå Fylkesmannen gir jerven skulda.
– Det er overraskande tal i forhold til kva me håpa og trudde før beitesesongen. Etter
i Indre Sogn, var det tru på at skadenivået skulle gå ned i sommar. Men det viste seg at jerven gjorde meir skade enn me hadde trudd.I Indre Sogn vart det skote 11 jervar sist vinter, og viltforvaltaren trur det berre er ein måte å hindre store sauetap.
– Det må gjerast fleire uttak av jerv til vinteren og våren.
Strenge krav til dokumentasjon
Fylkesmannen har i år fått inn 122 søknadar om erstatning, mot 98 søknadar i fjord. Mjelstad fortel at erstatningsreglane er strenge.
– Det skal vera ganske stor grad av dokumentasjon. I tillegg skal Fylkesmannen bruka skjøn for å vurdera sannsynet for at eit dyr er tatt av rovdyr.
Rovdyra kostar meir
I fjor vart det betalt ut 1,3 millionar kroner i erstatning for sau og lam tapt på beite,og totalsumen vil auke mykje i år, seier viltforvaltaren.