Det meiner Erik Solheim, tidlegare leiar i Naturvernforbundet.
Fredag vart det kjent at bygginga av kraftlinja er framskunda til neste sommar, og at sjøkabel er utelukka på deler av strekninga.
- LES OGSÅ:
– Ved å dele opp strekninga i mindre deler har olje og energi-ministeren hoppa bukk over heilskapsvurderinga i saka, meiner Solheim
Han meiner departementet gjer same feil som han meiner NVE først gjorde då dei gav konsesjon til kraftlinja.
– Det er bedrøveleg
– Hovudspørsmålet i slike konsesjonssaker er om kor vidt inngrepet er forsvarleg ut frå dei enorme inngrepa som er dokumentert i dette tilfellet. Ved å dele opp saka slik Terhe Riis-Johansen har gjort, så har dei hoppa bukk over heilskapsvurderinga og det vesentlege ved konsesjonsspørsmålet, seier Solheim.
Han har lite eller ingenting positivt å seie om handteringa av saka.
– Det er bedrøveleg ved denne saka at NVE ser ut til i sin konsesjon å ha tatt for gitt at linja må komme, og at det berre er spørsmål om kven som skal få ulempene og kven som skal bli fri dei. Dette er ei veldig elendig handtering av ei så stor sak som mange har store ulemper av, og som engasjerer endå fleire.
Ikkje som i Hardanger
Men mens den tilsvarande 420kWh-linja i Hardanger skapte nasjonalt rabalder, har det vore ført ein langt mildare mostandskamp i Sogn og Fjordane og Møre og Romsdal. Politikarane har mykje av skulda, meiner naturvernaren.
– I Hardanger har politikarane stått opp og forsvart sitt folk mot eit skadeleg inngrep. I Sogn og Fjordane har fylkesutvalet og dei fleste ordførarane trygla på sine kne om å få denne linja. Dei vil til og med ha kompensasjon for at dei får det dei ber om. Desse, som er styremedlemmer i kraftselskapa, har sitte og forsvart sine særinteresser og ikkje brydd seg om meir allmenne interesse og ein klar folkevilje.
Solheim viser til at det i ei måling i Bergens Tidende var over 75 prosent av dei spurde i Sogn og Fjordane imot kraftlinja.
– Dei leiande politikarane i Sogn og Fjordane har eit stort ansvar for at vi no sit i dette uføret, meiner han.
- LES OGSÅ:
Utelukkar ikkje aksjonar
Etter at statsråden fredag gav grønt lys for kraftlinja, reknar Solheim med at motstandskampen hardnar til.
– Eg utelukkar ikkje at det blir aksjonar. Eg går ut frå at mostandsarbeidet blir meir intensivert. Sjølv om det til no ikkje har vore like høglydt som i Hardanger, så har vi ei klar folkemeining i Sogn og Fjordane. Men vi har politikarar som den ikkje verkar på, seier den tildegare leiaren i Norges Naturvernforbund.