Den pågåande meklinga i lønsoppgjeret for sjukehustilsette skal vere avslutta innan midnatt. Blir det ikkje semje, blir streik sett i verk frå og med starten av arbeidstida tysdag.
Kallar alle inn på nytt
Førde sentralsjukehus er mellom sjukehusa i landet som blir hardast råka: I heile landet kan 172 Delta-organiserte ved sjukehusa bli tekne ut i streik - av desse er 32 tilsette ved sjukehuset i Førde.
- LES OGSÅ:
I Førde betyr det at mellom 200 og 250 pasientar kan bli råka allereie frå første dag: Alle timeavtalar ved medisinsk poliklinikk, radiologisk poliklinikk, poliklinikk for øyre-nase-hals og høyslesentralen går ut.
- Dersom det blir streik, går desse timane ut - men det er ikkje vits å ringe. Alle blir kalla inn til nye timar, opplyser informasjonssjef Arne Eithun.
Akutte hendingar som vanleg
No ber Helse Førde folk sjølv om å følgje med på om det blir streik eller ikkje.
Samstundes presiserer Eithun at situasjonen berre gjeld dersom det blir streik - og det gjeld berre planlagde timar. Alle akuttbehov blir tekne som vanleg.
Delta og krev lik løn for likt arbeid i sjukehus og kommunar, og oppgjeret er til mekling med frist til midnatt. Dei 32 Delta-medlemmene som kan bli tekne ut i streik er helsesekretærar, hjelpepleiarar, portørar, audiografar, sjukepleiarar og noko merkantilt personell.