Har tømt tanken ved Vågsøy Ungdomsskule

Uteseksjonen i Vågsøy kommune har i ettermiddag tømt oljetanken ved Vågsøy Ungdomsskule for 8.000 liter fyringsolje.

Tanken rommar 10.000 liter. Resten har hamna i hamnebassenget.

• LES OGSÅ: Har kontroll på fyringsoljen

– Det er ein gamal tank, kring 50 år. Vi mistenkjer at det har rusta hol i den, seier Frode Weltzien, leiar ved eigedomsavdelinga i kommunen.

– Filmen minskar

Kommunen fekk dei første varsla om ein mogleg lekkasje måndag kveld. I 09-tida tysdag morgon vart det på nytt slått alarm.

Tysdag la brannvesenet ut både hamnelenser og absorberande lenser. I tillegg har ein også tømt syndaren for resten av oljen.

(Artikkelen held fram under videoen)

– Vi ser allereie no at det er byrja å minke med film i sjøen. No ligg det berre att ei lita hinne i overflata, seier brannsjef Kim Hjelle.

Held vakt

Hjelle seier brannvesenet vil halde vakt gjennom natta og utover dagen onsdag.

Tanken blir no teken ut av drift og erstatta i samband med ei omfattande rehabilitering av ungdomsskulen. Dette vil ikkje få følgje for drifta av skulen.

– Vi får til mellombelse løysingar og vil grave opp tanken i den samband, seier Weltzien.