«Kringom» kåra til beste namn
Kollektivtilbodet i Sogn og Fjordane «Kringom» er kåra til beste norske bedriftsnamn av Språkrådet. – Namnet illustrerer kollektivtrafikken i eit fylke med lange reiseavstandar veldig godt. Det er enkelt, kreativt og eit modig val, seier Åse Wetås, direktør i Språkrådet. I tillegg vart bryggeriet Ægir i Flåm tildelt diplom som regional vinnar på Vestlandet.