Trur namnet blir stridstema

Kommunane Hornindal og Stryn har klart eit skriftleg avtaleutkast om samanslåing. Stryn blir kommunesenter, og det skal lagast nytt kommunevåpen. No skal formannskapa ta stilling til intensjonsavtalen, før kommunestyra. Men kommunenamnet er ein ikkje samde om. – Det kan faktisk bli ei utfordring. Det er mange honndøler som ikkje er einige i at det berre skal vere Stryn, seier Hornindal-ordførar Stig Olav Lødemel.