Rådgjevar Trude Lien ved Mattilsynet sitt regionkontor seier at dette er eit stort dyrevernproblem.
Seks av hundre går tapt
I desse dagar vert titusenvis av sauer sende på fjellbeite her i fylket. Røynslene viser at kring 6 % av desse sauene ikkje kjem levande attende.Og det er særleg mange lam som ikkje overlever sommaren i fjellet.
Dette vil Mattilsynet no gjere noko med. I april starta eit omfattande prosjekt i deler av Nordfjord, Sunnfjord og ytre og indre Sogn.
Tiltak neste år
Årsaka til sauetapa skal no kartleggast før tiltaka for å redusere tapa skal i gang neste år, seier rådgjevar Trude Lien i Mattilsynet. Ho har i mange år tidlegare jobba som veterinær fleire stader her i fylket.
- Også her i fylket er det store tapstal. Det er særleg i indre Sogn, der rovdyrproblemet er størst, men det er og store tap i midtre og ytre deler av fylket. Der er det meir samnsette årsaker, vi har flått, sauemakk og alveld. Vi har no sett i gang eit arbeid for å kartlegge nærare dette. I dei besetningane som vi har plukka ut og som har høge tap har vi sett inn intensivert tilsyn. Vi har hatt i nspeksjon før sauene vart sleppte på beite, og vi skal fylgje opp med ein ny inspeksjon når dei kjem heim til hausten.
- På tide å ta tak
- Vi har levd med store sauetap ei stund, og no er det på tide å ta tak i det, seier Trude Lien.
