Hydro-direktør Eivind Reiten meiner teknologien som no blir prøvd ut ved Hydro sitt teknologisenter i Årdal vil dominere Hydro si verksemd verda over i åra som kjem.
Ekstremt viktig
- Vi trur jo at dette er ekstremt viktig for den langsiktige utviklinga. For det er den type teknologiske løft som vi gjer her, opp til eit nytt nivå når det gjeld å produsere aluminium, som vil gje oss eit konkurransefortrinn. Det kan bli heilt avgjerande for kor sterkt vi står i 2014, seier Reiten.
Han opna i går forsøksprosjektet HAL4e ved Hydro sitt teknologisenter i Årdal.
Skal lære verda
Det nye teknologisenteret i Årdal.
Foto: Øyvind BreivikTeknologisenteret har utvikla, skal utprøve og så lære verda å bruke denne teknologien, seier Johannes Aalbu i Hydro si teknologileiing.
- Kunnskapen som vi har i aluminiumindustrien på Vestlandet, er jo den Hydro kapitaliserer på no. Når vi går ut i verden og skal auke marknadsandelen til Hydro, så er det kompetansen blant anna frå Årdal som ligg til grunn, seier Aalbu.
HAL4 skal gje lågare utslepp, mindre straumforbruk og lågare etableringskostnader.