Senter for Livsmeistring i Jølster får ikkje svar frå regjeringa på søknaden om mildar til eit fem-årig prosjekt, skreiv Bergens Tidende torsdag. Eit tilsvarande tilbod i Sør-Trøndelag har allereie fått pengar, men i Jølster ventar dei framleis.
- Det er eit klart behov for desse tenestene, og dei som vil drive er godt skikka til det. Eg syns det er forferdeleg trasig at dei ikkje kjem i gang på Skei, seier Lødemel.
- Alt er på plass
Han meiner det er den raud-grøne regjeringa som har ein allergi mot alt som er privat, og at det er difor senteret i Jølster ikkje får støtte.
- Les også:
Stiftelsen Bergen Diakonissehjem eig senteret, og søkte i juni om pilotstatus innanfor den nye helsereforma. Søknaden var på 18 millionar kroner fyrste året, og 32 millionar kroner etter tre år.
Direktør Terje Steen Edvardsen i Stiftelsen Bergen Diakonissehjem håper det skal vere mogleg å få pengar, sidan helseminister Bjarne Håkon Hanssen har funne pengar til tilbodet i sør-Trøndelag.
Bjørn Lødemel er samd, og trur pengane må kome på plass for å få i gang senteret.
- Her har dei lokale, og alt er på plass. Her er det berre til å starte opp, seier han.
- Godt døme på samarbeid
- Me i Høgre var å besøkte senteret for eit år sidan, og me er veldig positive til det me såg då. Eg syns det er ei skam at dei ikkje har kome i gang allereie for lenge sidan.
Lødemel meiner dette er eit godt døme på at private organisasjonar kan samarbeide med det offentlege om denne typen tilbod.
- Så eg tykkjer det er ei skam at dei ikkje får svar, og ei minst like stor skam at dei ikkje får eit positivt svar, meiner han.