Peder Astrup er ein av fleire som no langar ut mot det planlagde besøkssenteret ved Astruptunet på sørsida av Jølstravatnet.
- Far min hadde respekt for naturen. Han ville ikkje tillete dette.
Fleire naboar har og protestert på vedtaket om å byggje eit stort besøkssenteret rett attmed Astruptunet.
Kjøsnes eit betre alternativ
Representantar for kultur-og reiselivet tek òg til orde for at eit senter heller bør reisast ved riksveg 5 på Kjøsnes rett aust for Skei.
Arthur Kordt, direktør i European Cruise Service, kjem med klar støtte om å byggje besøkssenteret på Kjøsnes.
- Vi har arbeidd i mange år med å integrere Astruptunet i våre sightseeing-opplegg. Det har vore vanskeleg å få til når vegen fram til Astruptunet er både smal og nesten uframkommeleg.
- Noko anna uaktuelt
Atle Hamar, representant for kommunen i prosjektgruppa, trur fleire av kritikarane har skjulte motiv når dei vil leggje senteret på Kjøsnes.
- Besøkssenteret kan berre finansierast og realiserast om det ligg attmed Astruptunet. Noko anna er uaktuelt.