Ođđa koronanjuolggadusat

Ráđđehus ásaha ođđa koronaeastadandoaibmabijuid ja mihttun lea ájihit dan nuppástuvvan omikron-koronavirusa leavvama, čállá Norgga ráđđehus preassadieđáhusas. Earret eará gártet 10 beaivái karantenai omikron-virusii njoammuduvvon olbmuid lagaš oktavuođat. Ja dát lágas olbmot gártet erremii fuolakeahttá das leatgo sii ollásit boahkuvvon vai eai.