Ovddeš ruošša diplomáhtta váruha Eurohpá

Olles Eurohpa ferte doarjut Ukraina ja dat ferte vuoitit soađi olles Eurohpa sihkkarvuođa geažil, dan dadjá Boris Bondarev gii lea leamašan okta Ruošša alimus virgeolbmuin Ovttastuvvan Našuvnnain Geneves.

Árat dán jagi son vulggii eret Ruoššas proteastan dasa go Ruošša fallehii Ukrainai. Linkdin:as čállá son ahte oarjemáilbmi ferte leat gearggus vearjjuiguin soahtat Putina Ruošša vuostá.

Bondarev guđii ON-delegašuvnna miessemánus ja orru dál čiegus báikkis. Son dieđiha NTB ođasdoaimmahahkii, ahte háliida iežas máhtu ja siskkáldas dieđuid Ruošša diplomatiijas dál muitalit.