Ukraina soahtedilis / Doarro Ukrainan

To dømte for dobbeltdrap beæret med krigsheltmedalje

Konstantin Prikhodchenko og Arsentiy Bondarev fra Lovozero ble i fjor dømt til henholdsvis 22 og 19 års fengsel for drapene på den samiske tolken Jevgenij Jushkov og hans venn Viktor Kovunov.

De ble drept utenfor Jushkovs garasje 29. november 2020.

På grunn av krigen mellom Russland og Ukraina ble de to straffedømte sluppet fri, da de ble innkalt til militærtjeneste og ble en del av Wagner-gruppen, skriver The Barents Observer.

Nå har de kommet tilbake til samfunnet som frie mennesker. Bondarev har publisert et bilde i sosiale medier, som viser at de har mottatt krigsheltmedalje.

– Vi vet at de nå lever i frihet, lever et normalt liv, som om ingenting har skjedd. Det sier Jevgenij Jushkovs datter, Ekaterina Barakovskaja, til The Barents Observer.

Familiene til Jushkov og Kovunov frykter nå at Prikhodchenko og Bondarev skal hevne seg på dem fordi de har måttet sitte i fengsel.

Loga sámegillii

Dubmejuvvon olmmošgoddit oaččuiga sáŋggármedálja

Lujávrilaččat Konstantin Prikhodchenko ja Arsentiy Bondarev dubmejuvvuiga diibmá 22 ja 19 jagi giddagassii go navduba goddán sápmelaš dulkka Jevgenij Jushkov ja su ustiba Viktor Kovunov.

Soai godduiga Jushkov garáša olggobealde skábmamánu 29. beaivve jagis 2020.

Ruošša-Ukraina soađi geažil beasaiga Prikhodchenko ja Bondarev luovus, go gohčohalluiga soahtevehkii ja searvvaiba Wagner-jovkui, čállá The Barents Observer.

Dál leaba máhccan soađis ruoktot friijavuhtii. Bondarev lea sosiála mediijas almmuhan gova, mii čájeha ahte leaba ožžon soahtesáŋggármedálja.

– Mii diehtit dál ahte soai leaba friddjavuođas, ealliba dábálaš eallima, dego ii livččii mihkkige dáhpáhuvvan. Dan dadjá Jevgenij Jushkov-rohki nieida, Ekaterina Barakovskaja The Barents Observerii.

Jushkov ja Kovunov bearrašat ballet dál, ahte Prikhodchenko ja Bondarev áiguba mávssahit go leaba šaddan čohkkát giddagasas.

Les på norsk

Norgga beale bohccot guhtton Ruoššas

Orohaga 5a ja 5c Mátta-Várjjat gielddas leat 40 bohcco guokte mánu guhtton Ruoššabeale rája Báhčaveaji Álbmotmeahcci bealde. Dál ovddida Ruošša buhtadusgáibádusa go Norgga bohccot leat Ruoššas guhton, ja buhtadusgáibádus sáhttá šaddat 47 millijovnna kruvnnu, čállá iFinnmark áviisa.

Diibmá juovlamánu 9.beaivve vuhtte Báhčaveaji Álbmotmeahcci bargit Ruoššabeale rája 12 bohcco Rajakoski-Nihkkel mohtorjohtolaga guoras, mii lea justa Báhčaveaji rája badjel Mátta-Várjjagis. Lohku lassánii loahpas, ja lohke 40 bohcco boahtán Finnmárkkus Ruššii.

Pasvik National Nature Reserve direktevra, Natalia Polikarpova muitala ahte bohccuin ii leat lohpi guohttut dien sajis gos oidne Norgga bohccuid guohtumin, ja dan geažil leat sii meroštallan ja bidjan buhtadusgáibádusa.

– Mii leat sádden gáibádusa ja leat vuordimin vástádusa Norgga bealde, nu lohká direktevra Polikarpova.

Son muitala vel ahte lea guktui beliid duohken digaštallat mo loahpalaš buhtadus šaddá, sii eai leat vel gullan maide Eanandoallodirektoráhtas.

Eanandoallodirektoráhtas dieđihit ahte luomu geažil eai leat vel šaddan meannudit ášši, muhto lea čielggas ahte fertejit čoahkkinastit vai besset čielggadit buhtadusgáibádusa.

Beahcevai orohaga ovdaolmmoš Egil Kalliainen muitala ahte juovlamánus 2022 rasttildedje 9 bohcco rájá badjel

– Eará bohccot leat ovdalaččas leamašan juo doppe. Muhtin ráje bohccot leat 2019 juo rasttildan rájá, muhto pandemiija ja geopolitihka dihte eai leat bohccot beassan Norgga beallai fas, muitala Egil Kalliainen

Ukraina: - Ruošša falleheapmi bilidan hápmana

Ruošša falleheapmi ija mielde lea billistan hápmaninfrastruktuvrra Ukrainan Odesas, dieđihedje Kyiv suodjalusas maŋŋebárgga.

– Rakeahttabázahusat ja bávkkehusfámut bilidedje hámmaninfrastruktuvra, dadjá Ukraina Operational Command South cealkámušas AFP ođasdoaimmahahkii.

Falleheapmi dáhpáhuvai oanehis áiggi maŋŋil go konvenšuvdna almmolaččat loahpahuvvui go Ruošša ii ođasmahttán dan.

Šiehtadus lea dahkan vejolažžan Ukrainai fievrridit gortni Čáhppesmeara čađa. Dat lea Odesa guovllu hámmaniin gos gortni ja eará borramušgálvvut leat fievrriduvvon olggos Ukrainas.

Zelensky oasálastá G7 čoahkkimii

Ukraina presideanta Volodymyr Zelensky oasálastá G7 njunuščoahkkimii Jáhpánis, dieđiha ođasdoaimmahat Bloomberg.

Ođasdoaimmahat čujuha gálduide geat dovdet Ukaina presideantta plánaid.

Lea muitaluvvon ahte Ukraina presideanta galggai doallat sártni G7 riika njunnošiidda videoliŋkká bokte.

Dát G7-čoahkkin álgá otne bearjadaga ja bistá sotnabeaivái.

(NTB)