Ođđa rádjeráddjehusat

Norgga ráđđehus lea njoammundili geažil skábmamánu 26. beaivve rájes čavgen koronaráddjehusaid mátkkošteaddjiide geat áiggošit Norgii, čállá ráđđehus preassadieđáhusas.

Buohkat badjel 16 jagi geat bohtet Norgii fertejit registreret iežaset ovdal go bohtet Norgii, maiddái norgalaččat. Buohkat, geat eai sáhte duođaštit dohkálaš koronaduođaštusain, ahte leat ollásit boahkuhuvvon dahje ahte sis lea leamaš covid-19 maŋimuš guđa mánus, fertejit váldit koronaiskosa. Gáibádus guoská buohkaide vaikke makkár riikkas bohtet.

Ráđđehus ii rievdat riikiiboahtinerrema. Errennjuolggadusat gustojit dálá dieđuid mielde olles dálvvi.