– Bilen køyrde av vegen. Trefte ein haug med pukk, blei slengt over to kampesteinar, trefte eit tre to- tre meter over bakken og hamna i eit steingjerde som totalvrak, fortel innsatsleiar på staden, Egdar Opsal.
Ulykka skjedde på Tanangervegen i Tananger, rett før klokka eitt.
To menn fødd i 1997 og 1996 sat i bilen då ulykka skjedde, dei er begge frakta med ambulanse til Stavanger universitetssjukehus. Dei er begge lettare skadd.
– Dei var medvitne då naudetatane kom til staden, seier operasjonsleiar i Rogaland politidistrikt, Karstein Tendenes.
Årsaka til ulykka er ikkje kjent. Men det kan tyde på at dei heldt høg fart. Det var 60-sone i området.
– Politiet er framleis på staden, og jobbar no med å avhøyre vitne, seier Tendenes.
Det var store materielle skadar på bilen som køyrde av vegen i Tananger.
Foto: Lars Navestad / NRK
