Halliburton er dermed den bedrifta som stiller med det største laget av alle 13. juni.
Forskinga viser at det svarer seg
Satsing på forebyggande helsetiltak er god butikk, i følge Eriksen. - For kvar krone bedrifta bruker, får me igjen 3-4 kroner. Det viser forsking frå USA.
Folk blir friskare og då yter dei meir. Dessutan går sjukefråværet ned.
Alternativ til finanskrise
Finanskrisa har ramma Halliburton også. Men Nordsjørittet gir folk anna å tenka på.
– Nå er faktisk folk meir opptatte av puls og trening enn av faren for mista jobben, hevdar Eriksen som også er sykkelgeneral i selskapet.
Han bruker store delar av arbeidstida si på å organisera det heile. For korleis skal 300 syklar fraktast til Egersund? Og korleis skal deltakarane komma seg til sørfylket?
Skrekkblanda fryd
Logistikk er nå ein ting, det skal syklast og. Deltakarane i bedrifta trener godt for å klara å gjennomføra dei rundt ni mila på sykkelsetet.
Sigve Røsvik skal sykla frå Egersund til Sandnes for første gong, men gleder han seg?
– Skrekkblanda fryd! Men eg håper det går bra, ler Røsvik.
Halliburton har drøyt 1800 tilsette i Skandinavia. Rundt 20 prosent av desse skal altså Nordsjørittet.
