Nytt merke ved store Bloksen skal stå imot ekstremvêret

– Det er veldig krevjande arbeid. Me kjenner jo allereie no at vinden tek godt tak, seier John Erik Hagen, regiondirektør i Kystverket.

Dei neste to vekene skal Kystverket jobba med å setja opp det nye navigasjonsmerket på store Bloksen, nord for Haugesund. Lykta som stod der før vart teken av stormen Nina tidlegare i år.

• LES OGSÅ: Tak og vegger blåser bort
• LES OGSÅ: 10.000 strømløse på Haugalandet

– Dei kreftene som er her er enorm sterke. Det å kunne bøya store jarnstenger, det er nesten ufatteleg, men det skjer, seier Hagen.

Store Bloksen er skjæret som hurtigbåten Sleipner køyrde på og forliste ved i 1999, og det var etter den hendinga at det vart sett opp ei lykt. No bygger Kystverket nytt merke tretten meter høgt, tre meter høgare enn den førre, i håp om at den skal klara å takla naturkreftene betre enn forgjengaren.

– Det er svært viktig for skipsfarten. Me er midt i hovudleia langs kysten, og omtrent 300 fartøy seglar forbi her kvar veke, seier Hagen.

• LES OGSÅ: Ekstremværet «Nina» er over