I Tananger er fleire bebuarar evakuert på grunn av kraftig røykutvikling frå eit hus i Moringveien.
Meldinga om brannen kom først klokk 10 torsdag føremiddag. Det var ingen personar i huset, men det kom melding om kraftig røykutvikling.
Brannvesenet fekk først kontroll på staden, men brannen tok seg opp att
– Etter kort tid slo det flammar ut av taket. Naboane er evakuerte på grunn av røykutviklinga. Det er ikkje fare for at brannen skal spreia seg, seier operasjonsleiar i Rogaland politidistrikt, Henning Andersen.
Ingen personskade
Huset er totalskadd opplyser politiet. Det er uvisst når dei evakuerte kan koma tilbake til heimane sine.
– Me har vore i kontakt med dei som eig huset og kan slå fast at det har vore tomt for folk, seier Andersen.