Klokka 15:50 fekk politiet melding om at ein motorsykkel og ein bil hadde kollidert på Ganddal i Sandnes.
Ambulanse og politiet rykka ut til staden.
Motorsyklisten var skadd, og vart frakta i ambulanse til sjukehuset. Skadeomfanget er ikkje kjent.
I følgje politiet stod bilen i ro i sørgåande køyrefelt, og skulle svinge til venstre til Ganddal Idrettsplass i det MC-førarren kom frå Nord og traff bilen i bakparten. Politiet er på staden og gjer naudsynte undersøkingar.
Det var lenge manuell dirigering på staden, og lange køar. Men klokka 19 melder Statens vegvesen at vegen er open for trafikk.
