Sakna kvinne funne i god behald

Ein politipatrulje fant Inger Marie Sedberg (74) like før klokka 15.00 måndag.

– Ho blei sett gående i ei gate på Stokka, seier operasjonsleiar Karstein Tendenes i Rogaland politidistrikt.

Ho var oppegåande då politiet fant henne, men blei brakt til legevakta for kontroll.

Leita i natt

Familien melde Inger Marie Sedberg sakna rundt midnatt, og ho blei sist sett klokka 20.30 sundag kveld.

– Me har leita etter kvinna i heile natt. No er rundt 30 frivillige med på søket. I tillegg har politiet rundt 12 personar som er med, seier innsatsleiar i politiet, Pål Thime.

Leiteaksjonen tar utgangspunkt i heimstaden til kvinna på Røyneberg i Sola. Søket er utvida til Randaberg i nord.

Kvinna er i god form

Kvinna skal ha hatt varme klede då ho forsvann og ho skal vera i god fysisk form.

– Kvinna er vand med å vera ute å gå, men mistar orienteringsevna når ho forlet heimen. Det er også difor me har utvida søket, seier Thime.

Klokka 09.40 gjekk politiet ut med namn og bilete på kvinna i håp om å få hjelp frå publikum.

(Saka held fram under biletet.)

Inger Marie Sedberg er om lag 170 centimeter høg, bruker briller, har brunt hår, normal kroppsbygning og ha på seg brun jakke med høg krage.

– Me prioriterer å leita i nærområdet og på turstier som kvinna normalt går på, seier Torfinn B. Henriksen, som leiar leiteaksjonen for Røde Kors.

Har vore sakna tidlegare

Innsatsleiaren seier at ho framstår som heilt normal, men det er når folk tek kontakt med ho at ein kan merka at ho ikkje er frisk.

– Eg har opplysningar på at ho har forsvunne tidlegare mens ho har vore ute på tur. Då har me funne ho etter nokre timar, seier han.

Leiteaksjonen vil halda fram utover dagen, og Thime har tru på at ho blir funnen.

– Me kjem til å fortsetta leiteaksjonen til ho dukkar opp, og det håpar me at skjer snart.