I halv nitida tysdag morgon blei ei kvinne på sykkel påkøyrd av ein personbil like ved Kopervik skole på Karmøy i Asaldalvegen. Ulukka skjedde i ein fotovergang.
Den unge kvinna skal ha vore medviten etter ulukka, men blei tatt med av ambulansen opplyser politiet.
– Me kjenner førebels ikkje hendingsgangen i samanheng med ulukka, men har patrulje ute på staden, seier Norunn Byrknes, som er operasjonsleiar i Hordaland- og Sunnhordland politidistrikt.
Det skal ikkje vera store trafikkproblem på staden, sidan Asaldalvegen er ein sideveg til riksveg 47.