NRK Meny
Normal

Kaldt for russen i Kongeparken

Hagl, snø, regn og sol. Russefeiringa i Kongeparken i helga har hatt det meste av det vêret kan by på.

Artikkelen er flere år gammel.

Laurdag føremiddag kom haglbygene, natt til laurdag kom snøen og natt til søndag kom regnet.

Med andre ord: Det har ikkje akkurat vore draumevêr for 11.000 russ i Kongeparken på Ålgård i helga.

Snø i lavvoen

Men kledd i fleece og dunjakkar har russen halde varmen.

– Snøen sørgja berre for god stemning. Alle måtte trykka seg saman, seier Sofie Bergstrøm.

– Taket på lavvoen vår fall av. Det gjorde at snøen kom inn, seier Stine Nektad.

Dagleg leiar i Kongeparken, Håkon Lund, har gått vakt heile natta. Han er fornøgd med årets arrangement.

– Det blei surrealistisk med nesten fullmåne, lyseffektane, musikken og snøen, seier han.

Skryt frå politiet

Arrangementet får også skryt av politiet. Dei har vore opptekne av å vera mannsterke i Kongeparken i år.

– Det er ikkje meldt om alvorlege saker frå arrangementet. Heile russetreffet har gått veldig bra, seier operasjonsleiar i Rogaland politidistrikt, Victor Jensen.