Leiar i fylkets kultur- og næringsutval, Pål Morten Borgli og ordførar i Forsand, Ole Tom Guse, stod for opninga av dei nyrestaurerte Flørli-trappene.
Foto: Ingvald Nordmark / NRK
I dag har Flørli opna ei ny gjestebrygge og dei allereie kjende Flørli-trappene er restaurerte.
Foto: Ingvald Nordmark / NRK
Kraftstasjonen i Flørli blei sett opp mellom 1913 og 1918.
Foto: Thomas Ystrøm / NRK– Me trur anlegget vil bidra til at båtfolk, enten de padler, ror, segler eller bruker motor, vil ta fjorden i bruk, skriv Ryfylke Friluftsråd i ei pressemelding.
- Les på UT.no: Flørli – 4444 trappetrinn
Nå kan nemleg alle fortøya båten sin i Flørli. Her kan dei til dømes gå i dei 4444 restaurerte trappetrinna, eller besøka kafé og utstillingslokalet til Flørli velforeining i den gamle kraftstasjonen.
– Oppleving i seg sjølv
– Å gå trappa her er ei oppleving i seg sjølv. Dette kan bli eit mål i Lysefjorden på lik line med både Kjerag og Preikestolen, seier leiar i Lysefjorden utvikling, Audun Rake.
- Les på UT. no: Kjerag
- Les på UT. no: Preikestolen
På opninga tysdag var om lag 80 personar. Blant dei var politikarar, som fann tid til ei aldri så lita tevling i trinna.
750 meter til toppen
Flørli er eit lite samfunn som ligg i Lysefjorden. Vasskrafta skapte bygda slik ho er i dag, og kraftstasjonen der blei sett opp i byrjinga av 1900-talet.
Både friluftsrådet, Lysefjorden utvikling og politikarar håpar no nyopninga skal lokka turistar til Flørli.
Men du skal helst ha god pust: Frå fjorden og opp til toppen er det nærare 750 meter. Rekorden opp skal vera 20 minutt, men de fleste andre brukar nærare to timar.
Utsikt på toppen av trappa.
Foto: Thomas Ystrøm / NRK
