Hundvågtunnelen framleis stengt etter ulukke
Ein person er kritisk skadd etter ei trafikkulukke i Hundvågtunnelen i Stavanger i natt.
Ein bil var involvert i ulukka. Det er føraren som er skadd.
Fredag morgon er tunnelen framleis stengt på grunn av opprydding. Tunnelen er stengt frå Stavanger mot Hundvåg.
Ifølge Vegtrafikksentralen kjem tunnelen truleg til å vera stengt i fleire timar utover føremiddagen.