Så mange narkotikasaker at politiet slit med å handsama alt

Dei fire personane som blei tatt i aksjonen i natt var alle mellom 30-40 år og kjenningar av politiet.

– Formidabel auke

Sjølv om politiet rykka ut til denne adressa på grunn av at ein mann var observert med eit våpen inne i bustaden, har politiet på Haugalandet den siste tida jobba aktivt for å ta både brukarar og seljarar av narkotiske stoff . Noko som nå viser seg i rettsalen:

– Auken på små og mellomsmå narkotikasaker er formidabel i distriktet, det er nesten som me ikkje klarar å skufla unna alt, seier politioverbetjent Jan Geir Hessen.

Av dei ti narkotikasakene som skal opp i Haugaland tingrett dei neste to vekene er over halvparten Karmøy-saker etter fleire store ungdomsrazzia der 30 ungdommar er tekne dei siste vekene.

• Les òg: Politirazzia i Kopervik

30 ungdommar

– Me er ikkje ferdige med å etterforska alle sakene ennå, men det er saker som allereie er klar for retten, mellom anna tilståingsdommar, seier politiførstebetjent Anne Therese Buer.

– De har teke 30 på få veker, kunne de teke fleire?

– Absolutt, her er det så mange å ta av at me nesten må avgrensa oss sjølv. Men nå er me ferdige i dette miljøet og vil konsentrera oss om andre, seier Buer.

Vil ta «lokale høvdingar»

Nyleg blei fleire personar dømd til fengsel i ein større narkosak i Haugesund. Ein anna omfattande sak med fleire tiltalte kjem opp i byrjinga av mai. Politioverbetjent Jan Geir Hessen meiner at det er viktig å ta bakmennene:

• Les òg: Mer hasj og amfetamin, mindre heroin og kokain

– Det er kjempeviktig for oss å ta «dei lokale høvdingane», for det er dei som mottar stoffet her og sel det vidare, men oftare og oftare klarar me også å ta dei som kjem med det på grunn av samarbeid med andre politidistrikt.