FEIRA 150-ÅRS JUBILEUM:

– Det er ei ære å få opna jubileet, og eg gler meg til å sjå utstillinga, sa kulturminister Thorhild Widvey då ho opna jubileumsutstillinga til Stavanger Kunsthall i dag.

Stavanger Kunstforening – som driv Kunsthall Stavanger, feirer 150 år med ei jubileumsutstilling i fire deler, og kombinert opning og bursdagsfest.

– Det er høgare aktivitet her no enn det har vore dei siste ti åra kanskje, seier dagleg leiar Hanne Mugaas, som er svært nøgd med utviklinga til Kunsthallen.