E39 blei sperra i begge retningar etter uhellet, men litt over klokka 19 melder politiet at vegen er opna for trafikk igjen.
Ulukka har ført til store trafikale utfordringar i ettermiddag og kveld og det har vore omkøyring og kolonnekøyring via Heskjestadvegen.
Men nå er altså E39 opna for ordinær trafikk.
Det var klokka 14.40 i ettermiddag politiet fekk melding om trafikkulukka på E39 på Omdal ved Ualand i Lund.
– Det var ein semitrailer og ein personbil som var involvert i ulukka. Kva som har skjedd er ikkje kjent, opplyser Henning Andersen i Rogaland politidistrikt, til NRK.
Kvinna som sat i personbilen sat delvis fastklemt i bilen etter samanstøyten. Ho er nå tatt hand om, og skal ikkje vera alvorleg skadd, ifølge politiet.
– Det er store trafikale problem i området og det går føre seg bilberging av begge køyretøya, seier Andersen.