Butikkran på Figgjo i Sandnes

Politiet jaktar nå ein maskert mann som rana ein tilsett på ein Jokerbutikk på Figgjo i femtida i dag tidleg.

– Gjerningsmannen venta inne i butikken då den tilsette kom på jobb. Han hadde kniv og trua til seg eit utbytte frå den tilsette, seier operasjonsleiar Victor Fenne-Jensen i politiet Sørvest.

Den kvinnelege tilsette skal ikkje ha fått fysiske skader. Politiet leitar nå etter ransmannen, som var maskert og iført svart og grå kjeledress. Det er uklårt kor stort ransutbyttet er, opplyser Fenne-Jensen.