Brukte traktor og personbil for å koma inn i butikk
I løpet av natta skjedde eit grovt tjuveri i butikken til Bondekompaniet på Varhaug i Hå. Tre personar brukte først ein traktor for å koma inn ein port, og deretter ein personbil gjennom ein annan port på veg inn i sjølve butikken. Tjuvane tok med seg ein god del verktøy og fleire motorsager, opplyser operasjonsleiar Victor Fenne-Jensen ved Sør-Vest politidistrikt. Det er gode videoopptak av tjuveriet, opplyser Fenne-Jensen.