– Kattar blir dumpa. Det er drektige kattar, kattungar og bitte små kattungar utan mor. Det er ingen andre enn oss som hjelper dei, seier Kari Mills, leiar i Dyrebeskyttelsen Sør-Rogaland.
Vil ha ned bestanden
Ho har teke inn 170 heimlause kattar. Likevel er det ikkje nok. For fleire og fleire kattar er utan heim og utan mat.
– Politikarane må på bana, dei må ta eit tak. Det flyt med over med kattar, Mills.
No vil Dyrebeskyttelsen ha ein felles dugnad med Mattilsynet for å få ned bestanden, slik dei gjorde med suksess for 10 år sidan.
– Det er eit pengespørsmål, og eit spørsmål om kor mykje ansvar staten skal ta, seier Odd Ivar Berget, avdelingssjef i Mattilsynet.
Klinikk merkar pågangen
Ved Hafrsfjord Smådyrklinikk merkar dei pågangen. Mange tek ansvar for å stoppa lidingane til utmagra, sjuke og heimlause dyr.
– Me ser diverre ganske mykje kattelidingar. Det er heimlause kattar, dei er kjempeville og redde, dei har lus, tannproblem, øyremidd, diare og dei er magre, seier veterinær Vibeke Kvande.