Zelenskyj ber Biden og Xi om støtte i ny tale

I ein ny video ber Ukrainas president Volodymyr Zelenskyj USAs president Joe Biden og Kinas president Xi Jinping om støtte.

Han ber dei to statsoverhovuda om å vise leiarskap og fremje «ekte fred», ikkje berre ein pause mellom angrepa.

I videoen seier Zelenskyj at Russland førebur ein offensiv og samlar troppane rundt 90 kilometer frå Kharkiv.

– Den som gjer alt dette, vil ikkje ha fred, seier han.

Vidare oppmodar han verdsleiarane til å vere til stades på den ukrainske fredskonferansen i Sveits 15. juni.