Malaysia sin utanriksminister Mohamad Hasan opplyser om at USA sin president Donald Trump kjem til Malaysia 26. oktober, melder NTB.

Presidenten skal delta på eit møte med leiarar frå landa i Den søraustasiatiske samarbeidsorganisasjonen (ASEAN).

Formålet er underteikning av ein «fredsavtale» mellom Thailand og Kambodsja.

Landa har i lang tid vore i konflikt om grenseområdet. Konflikten blussa opp igjen i juli. Det blei einigheit om ein våpenkvile, som blei til ved hjelp av Malaysia og USA.