Storbritannia: Startar debatten om tobakksforbod for unge

Det britiske parlamentet startar tysdag debatt om lovforslaget om tobakksforbod for unge, eit forslag fronta av statsminister Rishi Sunak. Det melder AFP.

Lovforslaget går ut på å forby sal av tobakksvarer for alle som er fødd etter 1. januar 2009 slik at aldersgrensa for å kunne bruke tobakk stig for kvart år. Det kan fase ut røyking blant unge så tidleg som i 2040, ifølge regjeringa.

Tidlegare statsminister Liz Truss kritiserer Sunaks forslag.

– Me er eit fritt land, me burde ikkje fortelje folk kva dei ikkje skal gjere, sa ho under eit intervju med BBC.