Senegals yngste president er tatt i ed
Senegals nyvalde president, den tidlegare fengsla opposisjonsleiaren Bassirou Diomaye Faye, er no tatt i ed.
44-åringen er den yngste presidenten Senegal har hatt. Han tilhøyrer venstresida, og slapp ut av fengsel berre ti dagar før valet. Faye var i fengsel fordi han tilhøyrer opposisjonen i landet.
Han starta valkampanjen frå fengselet og har lova å overvinne korrupsjon og reformere økonomien.
