Senator Lindsey Graham går hardt ut mot oljefondet si avgjerd om å selje seg ut av det amerikanske Caterpillar. Oljefondet selde seg ut ettersom selskapet samarbeider med den israelske hæren.

– Til Noreg sitt oljefond – som er det største i verda: dykkar avgjerd om å straffe Caterpillar fordi Israel brukar produkta deira, er svært støytande, skriv senatoren på X.

Oljefondet eigde aksjar for 24,4 milliardar i kroner i selskapet. Det utgjer ein eigardel på 1,23 prosent.