Presidentval i Iran 28. juni
Iran skal halde presidentval 28. juni, melder statlege medium, ifølge AFP. Då skal etterfølgaren til president Ebrahim Raisi bli utpeikt.
Raisi og følget hans døydde i ei helikopterulukke søndag.
Det er erklært fem dagar med landesorg i Iran etter ulukka.
Tysdag startar minneseremonien for dei omkomne i byen Tabriz, nordvest i landet, før dei omkomne blir frakta til Teheran.
Raisi skal gravleggast i heimbyen Mashhad, men det er uvisst når det skjer.
