Mann omkom etter utforkøyring
Ein 82 år gamal mann er stadfesta omkomen etter at bilen hans hamna i Ubergsvann i Tvedestrand kommune tysdag, opplyser Agder politidistrikt. Mannen låg i vatnet i over 20 minutt før han blei henta ut av bilen.
-
Foto: Leif Dalen/NRK Sørlandet -
Til sjukehus etter utforkøyring
-
Får livredning på ulukkesstaden
Dykkarar frå brannvesenet har ikkje funne fleire personar i Ubergsvann i Tvedestrand etter at ein bil hamna i vatnet. Ein person er medvitslaus og det blir utført livberging på staden, opplyser politiet til NRK.
Foto: Leif Dalen/NRK Sørlandet -
Medvitslaus person funnen i bilen
Ein person er funnen medvitslaus i bilen som no er teken opp frå Ubergsvann i Aust-Agder. Det er førebels uvisst om det var fleire personar i bilen.
-
Bil køyrde i vatnet i Aust-Agder
Ein bil med personar om bord har hamna i Ubergsvann mellom Vegårdshei og Tvedestrand i Aust-Agder. Vitne har prøvd å symja ned til bilen utan hell. Politi- og brannmenn er no på staden og gjer forsøk på å dykka.
